Bannann
— Par Daniel M. Berté —
Bannann bagay ki bon bel-bonnè bon-maten
Bannann bagay ka ba bel balan ek bon brez
Bannann ba bel bougres bien belman balansé
Bannann ba boug ki brav ka bouwé kon bouva
Ou ka sanm an piébwa men ou pa an piébwa
Ou parmi lé gran zeb ka pousé Matinik
Yo ka di’w ka jété men pa jété atè
Sé lè ou ka fè flè ek réjim épi pat
Ki yo kriyé’w Tinen Kavenndich Gro-Michel
Bannann-jòn Kankanbou Frésinet Makandja
Pandan an boul lanné ou nouri pep Matnik
Ek ou fè lariches sa ki té ka planté’w
Pou swagné maladi charanson té ka ba’w
YO ba’w médikaman YO kriyé klòrdékòn
Elas twa fwa élas sété pwazon pou moun
Pou tout laliwondaj tè lariviè lanmè
Sé pa wou responsab katastrof sanitè
Ka pété tjou an pep pou dé jénérasion
Sé bien lé zespwatan ki té lé fè lajan
YO pa té ignoran malè YO té ka fè
Sé YO menm ki lontan espwaté travayè
Rechtonnè dépatè kastrè épistiyè
Ki té blijé goumen mété lagrev atè
Ek ki touvé lanmò anba bal fiziyè
An moman nou pé di sitiyasion’w chanjé
I ni ki ka planté’w an mod biyolojik
Ou adan tout jaden ek adan tout labonm
Pas nou pé pa rété san tinen-lanmori
Jodijou i ni moun ki lé rikasé ren’w
YO lé fòsé’w miri épi an létéfon
Ki sé bagay mové danjré pou la santé
Konsomaktè ovif ka’y met milié an sa
Bagay ki bon bel-bonnè bon-maten : Bannann
Bagay ka ba bel balan ek bon brez : Bannann
Ba bel bougres bien belman balansé : Bannann
Ba boug brav ka bouwé kon bouva : Bannann
Daniel M.
→ Lire Plus Source : http://www.madinin-art.net/
